Boqonnaa haadha keenya Qulqulleettii Dubroo Maariyaam | Kutaa 2ffaa

Boqonnaa haadha keenya Qulqulleettii Dubroo Maariyaam

Kutaa 2ffaa

Hub :- gara kutaa kanaatti osoo hin darbiin dura kutaa 1ffaa dubbisaa!

Waa'ee Haadha keenya Qulqulleettii Dubroo Maariyaam Dubbii Raajotaa 

Raajiin yemmuu inni dubbatamu kan ta'uudhaaf jiru waan hundumaa dursee kan ibsuu dha. Waaqayyo bifa baay'ee fi karaa baay'ee raajotaan dubbatee jira. Ibr.1:1.

Raajiin tokko xumuramuu isaa dura akkamiin akka inni xumuramu hin beekamu. Erga xumuramee booda garuu akka gochaa isaatti xumura raajii kanaa ta'uu isaa namoonni Waaqayyoo ni hubatu. Kan Waaqayyoo kan itti aane garuu hin hubatan. Maat. 1:22, 1 Pheex. 1:10. Sagalee raajii tokko hiikuun baay'ee cimaa waan ta'eef namni kamiyyuu kan isatti fakkaatetti hiikuun hin danda'aamneef. 2 Pheex. 1:20.

Raajiin tokko bara isaa keessatti akka dhaga'etti namoota bara sanaaf beekumsa nama kanaatti dubbata. Xumurri raajii sanaa garuu akka haala barichaatti ta'a. Sagaleen Raajii tokko akka kaayyoo bu'uura isaatti malee jechi jechaan xumuramuu dhiisuu ni danda'a. Fknf; inni Raajii Elsaayiin dubbatame Yohaannis Cuuphaa dhaan xumurameera. Bu'uurri dubbichaa namoota Waaqayyoo qopheessu dha. Mil. 4:5, Maat. 11:14.

Gooftaan keenya lyyesuus Kiristoos Dubroo Maariyaam irraa dhalachuu isaatiin giiftiin keenya haadha Kiristoos jedhamuun ishee tasa kan raawwatame dinqii osoo hin taane fedha Waaqayyoon fakkeenyi fakkeeffameef raajiin kan dubbatameefiidha. Waa'ee isa kanaa abbaan guddichi Mana Kiristaanaa abbaan Hiriyaaqoos qiddaasee Maariyaamii irratti «Yaa Dubroo raajoonni raajii kan siif dubbatan fakkeenyaan kan si fakkeessan si'iidha» jechuudhaan iccitii beekumsa Waaqayyoodhaan karoorfamtee raajotaan immoo kan dubbatamte ta'uu ishee hubachiisee jira. Kanaafis kutaa kana keessatti waa'ee durboo Maariyaamii raajotaan dubbatame ilaalla.

Waa'ee Haadha Waaqayyoo Raajicha Daawwitiin

Afaan raajicha Daawitiin iddoo baay'eetti Tsiyoon kan jedhu dubbatamee jira.

Tsiyoon jechi jedhu kun.-

1. Magaalaa Daawwit irra taa'ee bulchaa ture 2 Saam. 5:6-10

2. Gaara Iyyerusaalem keessatti argamu. Faar. 2:6, 125:1

3. Saba Israa'eel. Faar. 101:13

4. lyyerusaalem Samii irraa. Ibr. 12:22

5. Dhugummaan isaa Giiftii Maariyaamii dhaaf.

Yeroo dhaaf warra armaan oliitti fakkeeffamte iyyuu xumurri isaa giiftii Maariyaamii ta'uu isaa akka armaan gadiitti ilaalla. Faar. 2:6 Ani mootii ta'ee muudamee Qulqulluu gaara Tsiyoon gubbaa irratti. 

• Mootii kan jedhame mootii baraa baraa kan ta'e Gooftaa keenya lyyasuus Kiristoosidha. 

• Qulqullooftuu gaara Tsiyoon kan jedhamte immoo haadha keenya Qulqulleettii Maariyaamii dha. Ji'a 9 fi halkan shan (5) gadameessa ishee addunyaa godhatee galatoomeera waan ta'eef. 

• Gaarri teessuma uumamaa hundumaa ol ta'e akka argamu gaara Tsiyoonitti kan fakkeeffamte giiftii keenya Maaariyaaminis uumamtoota hundumaa ol ta'uu ishee agarsiisa.

• Gaara namni dahannoo yoo godhate diinaan hin miidhamu:- Kadhannaa giiftii Maariyaamittis yoo hirkate namni diina isaa Daabiloosiin hin miidhamu.

◆ Tsiyoon marsaa naannoo ishee deddeebi'aa, Gimbii ishees lakka'aa, jajjabina ishees laphee keessan keessa ka'adhaa, galmee ishees yaadadhaa, dhaloota dhufuttis akka himtaniif.

Faar. 47:12

• Tsiyoon marsaa naannoo Ishees deddeebi'aa Raajiin jedhu jechi raajii kun kadhannaa isheen, gargaarsa isheetiin, eebba isheetiin fayyadamuu agarsiisa.

• Gimbii ishee fi jajjabina ishee kan jedhamu immoo qabeenya kennaa hundaa ta'uu isheetiif fayyadamtoota kennaa kanaa hundumaa ta'uu akka dandeenyu raajicha dhangaa (afeerraa) nuuf dhiyeessuu isaa agarra.

• Galma ishee yaadadhaa :- durbummaa ishee, qulqullummaa ishee, ayyaana qulqullummaa ishee qulqulleettii ta'uu ishee yaadadhaa jechuudhaan ulfina isheedhaaf ta'u kennaafii kan jedhu yaadachiisa.

• Dhaloota hundumaatti akka himtaniif :- Raajiin sun xumura hamma argațuttii fi erga argatee boodas immoo dhalootaa hanga dhalootaatti daddarbaa hamma gaafa dhufaatiitti itti fufuu isaa agarsiisa. «Kunoo har'aa jalqabee dhaloonni hundumtuu ayyaana qabeettii anaan jedhu» kan jedhu kanaaf. Luq.1:1

1. Namni Haadha keenya Tsiyoon jedha keessaatiis namni ni dhalata. Faar. 86:5

Haadha kan jedhamte deessuu Waaqayyooti sababni isaas ilaa! Haadha kee (keessan) jedhamtee nuuf kennamte waan ta'eef. Yoh. 19:27

Nama kan jedhame Waaqa Ilmaati. ilaa! namoota hundumaaf qoricha kan ta'e gooftaan Iyyesuus isiniif dhalatee jira akka jedhame. Luq. 2:11 Walumaa galatti iccitiinsaa Waaqayyo inni Iyyesuus Kiristoos giiftii keenya; Foon ishee irraa foon, Lubbuu ishee irraa lubbuu fudhatee wal simsiisee (Tawaahidoodhaan) kan jedhamtee dha. Haadha kan jedhamte yaa abbaa keenyaa akka jedhamee dha.

2. Waaqayyo Bultoo isaa qulqulleesse:- Waaqayyo ishee wajjin waan jiraatuuf hin sochootu; Waaqayyo ishee gargaara. Faar. 45:4

Sagalee raajiitiin giiftiin keenya bultoo Waaqayyo akka taatuuf kan filate Waaqayyo ta'uu isaa kan nu hubachiisudha. Waaqayyo ishee gidduu waan jiratuuf hin sochootu kan jedhame immoo Waaqayyo foon ishee irraa foon, lubbuu ishee irraa lubbuu fudhatee keessa utuu hin buliin fuuldura, yeroo keessa bules, erga keessa bulee boodas utuu irraa hin dhalatiin fuuldura, yeroo irraa dhalatees erga irraa dhalatee boodas ulfina durbummaa isheetii qulqulluu ta'uu ishee hubachiisa.

Waaqayyo raajiin raajotaa haa raawwatamuuf gargaarsi Waaqayyoo Addaamii jalqabee hamma baraa baraatti giiftii keenya Maariyaamii irraa akka addaan hin baane ni mirkaneessa. Walumaa galatti :- iccitiin isaa abaarsa foonii fi lubbuu irraa kan qulqulloofte waan taateef ni jabeessa, ni qulqulleessa, adda baasa jedhee waaqa waaqummaa isaatiin ibse.

3. Kan jaallate ta'uu isaa Tsiyoon bultoo isaa akka Aariyaamitti hojjete, hamma baraa baraattis biyya lafaa keessatti dhaabee ykn bu'uuresse. Faar. 77:68

Kan jaallate tulluu Tsiyoon kan jedhamte deessuu Waaqayyooti.

Waaqayyo Tsiyooniin filateera, bultoo isaa akka taatuuf jaallateera waan ta'eef isheen hanga bara baraatti bultoo kooti, ishee keessa nan bula. Faar. 131/132:13.

◆ Yeroodhaaf biyya hundumaa keessatti lyyerusaalemiin kan filate yemmuu ta'u raawwiin isaa garuu Waaqayyo anga'aan dubartoota hundumaa keessaa Dubroo Maariyaamiin haadhummaadhaaf kan filate bultoo isaa akka taatuuf jaallachuu isaa agarsiisa.

• Bara baraan bultoo kooti jechuun isaa:- Waaqayyo bara baraan ishee wajjiin ta'uu isaa agarsiisa.

◆ Durbummaan ishee, addaan ba'ummaan ishee, tolummaan ishee kan baraa baraati.

Waa'ee Haadha Keenya Maariyaamii Raajicha Isaayyaasiin

◆ Waaqayyo teessoo dheeraa fi ol ka'aa irra taa'ee nan arge fiixeen (andaarri) wayyaa isaatii mana qulqulluummaa guutee ture jedheetu ibse. Isaay. 6:1.

◆ Raawwiin raajii kanaa iddoo dheeraa fi ol ka'aa kan jedhamte haadha keenya Maariyaamii yemmuu ta'u, fiixeen(andaarri) wayyaa isaatii mana qulqulluummaa guutee ture kan jedhame ulfina waaqummaa isaatiin abbaasaan qixxaachuu utuu irraa hin hir'isiin, utuu itti hin dabaliinis Waaqayyo ilmi garaa Dubroo Maariyaamii keessatti Waaqayyo inni dhokataan mul'achuu isaa ibsa.

Waaqayyo anga'aan mucaa namaa fayyisuuf kan inni raawwate dhoksaan foonii deemsa karaa isheetiin kan raawwate ta'uu isaa ibsa.

1. Teessoon Waaqayyo ulfaataadha; qulqulluudhas. Teessoo Waaqayyo isa lammaffaa kan taate giiftiin keenya Maariyaaminis kabajamtuu, qulqulleettii ta'uu ishee ibsa. Erga akkas ta'ee teessoo Waaqayyo irra kan taa'u Waaqayyo qofaadha.

2. Fayyinni mucaa namaa akka ga'e ibsuudhaaf gooftaan ofumasaatii mallattoo isiniifan kenna kunoo durbis ni ulfoofti; Ilmas ni deessi, Maqaa isaas Amaanu'eel ni jetti. Isaay. 7:14

Dhoksaan bu'ura kanaa Uma. 3:22-24 irra isa jiru sagalee ulfaataatiin ni hiikama.

Qulqulla'aan Efreem galata Maariyaamii kan guyyaa Wiixataa keessatti raajichi Isaayyaas hafuura qulqulluudhaan dhoksaa Amaanu'eel argee jira. Kanaafis mucaan nuuf dhalate; Ilmis nuuf laatame jedhee dhageessisee ibsee jira.

3. Hidda Iseey keessatti dhaabbati (uleen) baate daraaraanis ishee keessaa ni ba'a. Isaay. 11:1. Kaayyoon raajii kanaa inni guddaan Waaqayyo namoota filate keessatti kan argamte giftii keenya Maariyaam Dubroo irraa dhalachuu isaa ibsa. Hiddi sanyii giiftii keenya Maariyaamii sanyii Daawwit hidda Iseey akka ta'e ibsa. Sanyiin Iseeyi gosa Daawwit keessatti giiftiin keenya Maariyaamiin akka argamtu waaqayyo Daawwitiif waadaa galee waan tureef. Faar. 131(132):11

→ Daraaraan giiftii keenya Maariyaamii dha. Iji immoo fayyisaa keenya lyyesuus Kiristoos biyya lafaa fay'isuudhaaf kan inni raawwate dhoksaa foonii ta'uu isaa raajichi ibsuudhaaf dhaabbati (uleen) ni daraarte jedhee jira.

Qulqulla'aan Efreem galata Maariyaamii kan guyyaa Dilbataa irratti sagalee Waaqayyo kan nuuf deesse yaa toltuu Maariyaam gammadi sanyii Iseeyi keessaa kan argamte urga'aan kee (fooliin kee) kan tolu si'iidha jedhee galateeffatee jira.

4. Isaay. 60:14 :- Ijoolleen warra si jibbanii morma isaanii gadi qabatanii gara kee ni dhufu, warri si tuffatan hunduu miilla kee jalatti siif sagadu.

Magaalaa Waaqayyo kan Israa'eel kan taate Tsiyoon siin jedhu Yeroodhaaf naannoo Iyyerusaalem dhookatanii rakkisaa kan turan ormootaa of eeggachiisuudhaaf yeroo ta'uu raawwiin isaa immoo:-

• ADDAAM: - Kiristoositti seexanoonnis si'oolitti lubbuu namootaa rakkisaa kan turan Fannoo isaa jalatti kufuu isaanii agarsiisa. Sababni isaa fannoo isaatiin seexana kan rukute foon ilma waaqayyoo giiftii keenya Maariyaam irraa kan fudhateedha.

• BEEKTONNI FARISOTAA :- Erga giiftii keenya Maariyaamiin ulfooftee hamma ol ba'uu isaatiitti rakkisaa kan turan raawwachuu isaanii agarsiisa.

• GANTOONNI BARA KANAA:- Niwusxiroosii jalqabanii kan jiran agarsiisa. Faar.45:12 Sooressoonni ormootaa fuula kee duratti ni kakatu akkuma jedhe dhoksaa foonii amantaatti jira kan jedhan duwwaa utuu hin ta'iin ormootni utuu hin hafiin akka kadhatanii dha.

Haadha Waaqayyoo bara Kakuu Haaraatti

Sanyii kee irraa dhaladheen si fayyisa jedhee Addaamiif kakuu kan gale irratti hundaa'ee bara abboota seeraa lapheedhaan Waaqessuutii jalqabee sanyii filatamaa fo'achaa ture. Isaay.1:9, Room.9:27. Yeroon isaa geenyaan Teektaa fi Pheexiriqaa irraa filannaa adda ta'een Iyyaa'iqeemii fi Haannaa irraa argamtee ulfaa'uu isheetiin jalqabdee hojii raajii ykn dinqisiisaa hojjettee jirti. Bara raajotaa Elsaay 2 Moot. 13:2, Bara bartootaa Pheexiroos HDB. 5:13

• Lafee isaanii fi gaaddidduu isaaniitiin hojii raajii ykn ajaa'ibsiisaa akka hojjetan isheenis Jaamaa bantee, du'a kaastee jirti. Caamsaa gaafa tokkoo gaara Libaanos irratti dhalatte.

Gaara Libaanos irratti dhalachuu isheef sababa kan ta'e armaan olitti akkuma ibsame Yihudoonni inaaffaan isaanii kan dubbatame raajiin akka raawwatamuuf. Weedduu Weedduu Caalu 4:8. Yeroo sanatti daabiloos irraan kan hafe adduunyaadhaaf wanti gaariin jalqabaaf ta'e wareegaan kan argamte waan taateef waggaa sadaffaa (3) isheetti.

Mudde gaafa sadii (3) gara mana Kiristaanaa keessatti hojjetaa ykn Luba Waaqayyoo Zakkaariyaasitti kennamte. Faar. 45:9, 66:13 Waaqayyo kan isaanii kenne deebisanii kennaniif. Nyaanni ishee karaa ergamaa Faanu'eel nyaata Waaqa irraa ture. Kunis barahaa (gammoojjii Siinaatti) Israa'elotaaf akka bu'e mannaadha. Ba'uu 16:16

Abbaan Hiriyaaqos akkuma dubbate giiftiin keenya Maariyaamiin mana qulqullummaa akka jiraattu yeroo taasifamee jalqabee ni dhiyaataaf ture. Nyaanni kun hojii Waaqayyotiin kan qopha'eedha ture jedhee jira.

Mana qulqullummaas waggaa kudha lama (12) yemmuu turte ijoolleen Yihuudotaa balleessuuf baay'ee yaadanii turani. Arjummaa Waaqayyoo fi eegumsaa ergamootaatiin turte malee waggaa kudha shan(15) yeroo taatettis Yihuudonni akka dubartii birootti abaarsa Hewwaan kan qabdu se'anii yeroo irraatti ka'an. Uffata Waaqa irraa kennameef uffachaa nyaataa fi dhugaatii samii irraa soorachaa mana qulqullummaa keessatti guddatte. Turtii mana qulqullummaa keessa turte kana keessatti qorumsi gurguddaa irraan ga'uuf yaaliin irratti geggeeffamaa tureera. Haa ta'u malee gargaarsa ergamoota Waaqayyoon oolteetti. 

Itti fufa!

Araarsummaan haadha keenya Qulqulleettii Dubroo Maariyaam hunda keenya waliin haa ta'u!

Galanni Waaqayyoof haa ta'u!