Karaa Telegram akkamitti hojii online hojjennee qarshii argachuu dandeenya?
Egaa barreeffama keenya guyyaa har'aatiin waa'ee Telegram fi akkaataa karaa Telegram qarshii argachuu dandeenyu kan ilaallu ta'u, hanga dhumaatti dubbisaa, hiriyoota keessaniifis qoodaa.
Telegram bara 2013 kan hundaa'e yoo ta'u, yeroo ammaa kanatti Google Play Store irratti si'a Biiliyoona 1 ol download ta'eera. Akkasumas active kan ji'aa Miiliyoona 700 ol qaba.
Appilikeeshinii Telegram Appilikeeshinii ergaa barreeffamaa, sagalee, viidiyoo fi faayila garaa garaa qooduuf baay'ee mijataa ta'edha. Telegram karaa lama fayyadamuu kan dandeenyu yoo ta'u, inni tokko karaa bilisaan yoo ta'u inni lammaffaan ammoo kaffaltiin kan argamu kan Ji'a sadii, Ji'a Jahaa fi Ji'aa kudha lamaa Telegram Premium dha.
Telegram Premium kan kaffaltiin argamu irratti wantoota haaraa garaa garaa kan qabu yoo ta'u, wantoota Telegram Premium adda taasisan keessaa muraasni;
• File karaa bilisaa hanga 2GB tti erguu dandeenyu yoo premium ta'e garuu hanga 4GB tti erguu dandeenya, akkasumas file garaa garaa yeroo download taasisnu saffisa guddaan download nuuf taasisa.
• Sagalee dhaan yeroo ergaan nuuf ergamu ergaa sagalee sana gara barreeffamaattii nuuf jijjiirra.
• Ergaa nuuf ergame ykn wanta Channel ykn group tokko irratti post ta'e "translate" taasisuu ykn gara Afaan biraatti jijjiiruun dubbisuu dandeenya. Ergaa faayidaan Telegram Premium isaan kana qofaa miti namoonni Telegram Premium bituu barbaaddan Channel keenya Telegram irratti nu gaafachuu dandeessu.
Gara dhimma keenyaatti yeroo deebinu, Telegram ergaa erguuf faayila waliif qooduuf qofaa osoo hin taane, gama qarshii irraa argachuu tiinis gahee guddaa qaba.
Telegram irratti karaalee garaa garaa qarshii hedduu argachuu kan dandeenyu yoo ta'u isaan keessaas muraasni;
1. Telega io irratti Monetize taasisuu
Egaa Telega io kun erga jalqabee waggaa 3 ol kan ta'e yoo jiraate, Telega irratti Channel Telegram fi Group keenya monetize taasisuun kan ittiin qarshii argannudha.
Ulaagaaleen channel ykn group keenya Telega irratti galmeessuuf barbaachisan;
✓ Qabiyyeen isaa sirrii kan ta'e
✓ Erga banamee Ji'a sadiifi isaa ol kan ta'e
✓ Hordoftoota 300 fi isaa ol kan qabu dha.
Erga Telega irratti galmoofne booda isaan sa'aatii 48 gidduutti channel keenya gamaggamanii kan deebisan yoo ta'u, yoo gamaggama sana Channel keenya darbe qarshii ittiin beeksisa hojjennu achi irratti ni guunna. Kana jechuun akka baay'ina miseensota Channel ykn Group keenya irratti hundaa'uun beeksisa guyyaa tokkoof $3 irraa kaasee kaffalchiisuu dandeenya.
2. Beeksisa Dhaabbanni Telegram Channel keenya irratti gadhisuun qarshii argachuu
Dhaabbanni Telegram yeroo dhiyootii asitti karaa Chaanaaliiwwan Telegram ulaagaa guutan beeksisni akka irratti gadhiifamu kan taasise yoo ta'u. Kanaafis yoo xiqqaate channel keenya miseensota 1000 ol qabaachuu qaba. Akkasumas qabiyyeen isaa hanga danda'aame Afaan Ingiliffaa yoo ta'e filatamaadha beeksisni yeroo hedduu irratti gadhiifamee qarshii guddaa akka argannuuf.
Kaffaltiin beeksisa Telegram kun karaa Telegram kan raawwatu yoo ta'u, 50% Telegram dhaaf 50% ammoo abbaa channel sanaaf qoodama. Kaffaltiin isaa karaa TON yoo ta'u, baasuun kan danda'amu gaafa TON 10 guutudha. 10 TON jechuun sharafa ammaatiin $68 ykn birrii 8000 jechuudha.
3. Channel Telegram irratti Kennaa garaa garaa irraa qarshii argachuu
Kunis namoota Channel Telegram qabaniif yoo ta'u, kunis setting channel keenya sirreessuun namoonni kennaa Star akka nuuf kennan taasisuudha. Yeroo ammaa kanatti Star 50 Doolaara 1 dha.
4. Zeterads irratti channel Telegram keenya galmeessuun
Zeterads kan jedhamu dhaabbata haaraa biyya keenya Itoophiyaa kan Channel Telegram, YouTube fi TikTok irratti hojjetu yoo ta'u, kan jalqabes dhiyoo kanadha.
Zeterads akkaataa fayyadama isaa akkuma Telega io yoo ta'u, erga galmooftan booda bifa viidiyoo tutorial Website isaanii irra jiruun channel keessan ni galmeessistu, sana booda step isaa erga xumurtan booda beeksisni karaa Telegram Bot isiniif ergama.
5. Airdrop garaa garaa karaa Telegram Bot hojjechuu
Airdrop karaa Telegram Bot hojjetaman hojjechuun, task achi irra jiru xumuruun, nama affeeruun akkasumas yeroo tokko tokko ammoo TON ykn Star invest taasisanii qarshii argachuun akka danda'amu hundumti keenya kan beeknu yoo ta'u, baay'ee keenya kan gaabbisiise Notcoin irraa kaasee hanga ammaatti airdrop garaa garaa karaa Telegram hojjetamaa kan jiran yoo ta'u, Isaan tokko tokko dhugaa ta'aanii yeroo kaffalan warri kan biroo ammoo sobaan TON fi star fudhatanii yeroo badan argineerra. Isinis hanga danda'ametti yeroo airdrop garaa garaa hojjettan of eeggannoo taasisaa, nutis airdrop sirrii amma hojjetamaa jira kan armaan gadii kan isiniif qoodnu yoo ta'u, isaanis;
Waa'ee Airdrop akkamitti akka hojjetu, akkamitti qarshii akka irraa argannu, of eeggannoo nuti taasisuu qabnu fi k.k.f barreeffama keenya kana dura maxxansine irraa dubbisaa!
Har'a waa'ee hojii online karaa Telegram hojjetamanii barreeffamni isiniif qabannee dhiyaanne gabaabumatti kana fakkaata ture, yaadaa fi gaaffii yoo qabaattan channel keenya Telegram irratti gaafachuu dandeessu.
0 Comments