Lakkaawwii Baraa Akka Mana Kiristaanaa Ortodoksii Tawaahidoo Itoophiyaatti

Kutaa 4ffaa

8. Nannawee

Bu'uurri Tsoomiwwanii fi Ayyaanotaa Nannaweedha. Nannaween Tawusaakii ykn daballii

hin qabu. Ayyaanni Maxqi'ii ykn Bilbilli Fulbaana irratti yoo ta'e Nannaween Amajjii, yoo

Ayyaanni Maxqi'ii Onkoloolessa irratti oole ammoo Nannaween Gurraandhala irra oolti. Garuu

Ayyaanni Maxqi'ii Fulbaana irra oolee Tawusaakii guyyootaa waliin yeroo walitti ida'aamu yoo

30 ol ta'e sababa haftee isaatiin Tsoomni Nannawee Guraandhala irra ni oolti. Maxqi'iin ykn

bilbilli Tawusaakii ykn daballii walin ida'amee yoo 30 gadi ta'e matumti isaa lakkoofsi argame

Nannawee jedhama.

Shallaggiin isaas :- Nannawee = Maxqi'ii + Tawusaaki guyyotaa

Bifuma kanaan guyyaa itti Tsoomni Nannawee kan bara 2014 oolu haa hojjennu;

Nannaween = Maxqi'i ykn bilbila + Tawusaakii guyyootaa ykn daballi guyyootaa

Maxqjiin bara 2014, 2 dha.

Maxqi'in kun ykn Onkoloolessi 2 kan bara 2014 ammoo guyyaan irra oolu Kibxata dha.

Kanaaf akkuma dura ilaalle Tawusaakiin ykn daballi ykn hafteen Kibxataa ammoo 5 dha.

Kanaafuu;

Nannawee = Onkoloolessa 2 + Tawusaakii Kibxataa ta'a, kana jechuunis

Nannawee = 2 + 5 = 7

Kanaafuu Tsoomni Nannawee kan bara 2014 Guraandhala 7 seena jechuudha.

Ayyaanotaa fi Tsoomiiwwan

Ayyaanonnii fi Tsoomiiwwan guyyaa irra oolan baruuf shallaggiin isaa;

Ayyaanotaa fi Tsoomiiwwan = Nannawee + Tawusaakii Ayyaanotaa fi Ayyaanotaa

Tsoomii guddaa ykn Tsooma Gooftaa keenyaa = 7 + 14 = 22 ta'a. Kanaaf kuni 30 gadi

waan ta'eef akkuma jirutti fudhanna, garuu yoo 30 ol yoo ta'e 30'f hirreetu haftee isaa

fudhanna.

Bifuma kanaan Tsoomni Guddaa gooftaa keenya Qoricha keenya Iyyesuus Kiristoos kan bara 2014 gaafa Gurraandhala 22

seena.

Bifuma kanaan Tsoomiiwwanii fi Ayyaanonni gurguddoon kan bara 2014 guyyoota

isaan irra oolan salphaatti hubachuuf gabatee kanaa gadi jiru haa ilaallu;

Ayyaanotaa fi Tsoomiiwwan → Tawusaakii → Nannawee → Ida'aama (Tawusaakii fi Nannawee) → Shallaggii → Guyyaa irra oolan

Tsoomii Guddaa →14 → Gurraandhala 7 → 21 → 21→ Gurraandhala 21

Dabra Zayit → 11 → Gurraandhala 7 → 18 → 18 → Bitootessa 18

Hoosaa'inaa → 2 →Gurraandhala 7 → 9 → 9 → Ebla 9

Fannoo (Siqlatii) → 7 → Gurraandhala 7 → 14 → 14 → Ebla 14

Du'aa Ka'umsa → 9 → Gurraandhala 7 → 16 → 16 → Ebla 16

Rikbe Kaahinaatii → 3 → Gurraandhala 7 → 10 → 10→ Caamsaa 10

Ol ba'iinsa → 18 → Gurraandhala 7 → 25 → 25 → Caamsaa 25

Phaaraaqilixoos → 28 → Gurraandhala 7 → 35 → 35 ÷30 = 1 hafteen isaa 5 → Waxabajjii 5

Tsooma Duuka Bu'ootaa → 29 → Gurraandhala 7 → 36 → 36÷30 = 1, hafteen isaa 6 → Waxabajjii 6

Tsooma Fayyinaa → 1 → Gurraandhala 7 → 8 → 8 → Waxabajjii 8

Hub :- armaan olitti bifa barreeffamaatin kan isiniif dhiyeessine kana bifa salphaadhaan hubachuuf gabatee armaan gadii kana ilaalaa;

Hubannoodhaaf akka nuuf ta'uuf bara 2011 irraa kaasnee hanga bara 2014 itti haala

lakkaawwiiwwan Baraa, guyyoota Tsoomiiwwanii fi Ayyaanonni irra oolan gabatee kanaa gadii

keessatti haa ilaallu.

Guduunfaa :- walitti aansinee kutaalee Afuriin qoodnee ilaalaa kan turre Koorsiin Akkaataa Lakkaawwii Baraa Akka Mana Kiristaanaa Ortodoksii Tawaahidoo Itoophiyaatti jedhu kana fakkaata ture, barumsa guddaa akka irraa argattan abdii qabna! Pdf isaa channel keenya Telegram irraa link kana tuquun buufadhaa!

Kakaasee kan nu jalqabsiise, nu jalqabsiisee kan nu xumursiise Galanni Waaqayyoof haa ta'u!